प्रधानमन्त्री ओलीको पहिलो बिदेश भ्रमण भारत
सुभाष साह काठमाडौं, १६ प्रधानमन्त्री केपी शर्मा ओलीले छिमेकी मित्रराष्ट्र भारतको तीनदिने राजकीय भ्रमणको मिति सार्वजनिक गरिएको छ । दोस्रो पटक प्रधानमन्त्री भएका ओलीको पहिलो बिदेश भ्रमण भारत हुने भएको छ । प्रधानमन्त्री ओलीले चैत २३, २४ र २५ सम्म तीन दिने राजकिय भ्रमण गर्ने मितिको तय भएको छ । परराष्ट्र मन्त्रालयले उनको भारत भ्रमणको मिति शुक्रबार घोषणा गर्दै दुई देश बीचको सम्बन्धन प्रागाढ हुने बिश्वास गरेको छ । दोस्रोपटक प्रधानमन्त्री भएका ओलीलाई भारत भ्रमणका लागि भारतीय प्रधानमन्त्री नरेन्द्र मोदीले तीनपटक फोनबाट र एक पटक औपचारिक पत्र पठाइसकेका छन् । पहिलो पटक प्रधानमन्त्री भएका ओलीले २०७२ फागुन ७ देखी ११ सम्म भारत भ्रमण गरेका थिए । यसअघि प्रधानमन्त्री ओलीको भारत भ्रमणको मिति भारतबाट नै सार्वजनिक भएको थियो । आन्तरिक तयारी नपुग्दै भारतले भारत पुगेका केही नेपाली पत्रकारहरूमाझ भ्रमणको मिति सार्वजनिक गरेको थियो । तर नेपालले भने भ्रमणको मिति तय भइनसकेको बताउँदै आएको थियो । भारतले २४ चैत देखी भ्रमणको तयारी गरेपनि नेपालको आग्रहमा २३ चैत देखी भ्र...
