मदन मण्डारी पत्रकारिता पुरस्कार कमल कोइरालालाई
काठमाडौं, १५ असार
मदन भण्डारी राष्ट्रिय पत्रकारिता पुरस्कार यस बर्ष वरिष्ठ पत्रकार तथा लेखक कमल कोइरालालाई प्रदान गर्ने निर्णय भएको छ ।
नेकपा एमाले केन्द्रीय कमिटीको प्रचार बिभागले स्थापना गरेको सो पुरस्कारको राशी ५० हजार रुपैया रहेको छ ।
विगत पा“च दशकदेखि लेखन र सम्पादनमा संलग्न कमल कोइरालाले दृष्टि, जनआस्था, रोडम्याप लगायतका साप्ताहिक पत्रिकामा बिशिष्ठ योगदान गर्नुका साथै विभिन्न पत्रपत्रिकामा स्तम्भकारका रुपमा सक्रियतापूर्वक लेख्दै आएका छन् ।
नेपाल पत्रकार महासंघका अध्यक्ष डा. महेन्द्र विष्टको अध्यक्षतामा बरिष्ठ पत्रकारहरु तीर्थ कोइराला, शार्दूल भट्टराई र शीतल साह रहेका छनोट समितिको निर्णयले कोइरालालाई सो पुरस्कार दिन लागिएको हो ।
यस अघि सो पुरस्कार बरिष्ठ फोटो पत्रकार चन्द्रशेखर कार्कीलाई प्रदान गरिएको थियो । पुर्व सांसद एवं कोरियाका लागि पुर्व राजदुत समेत रहेका कोइराला पुर्व प्रधानमन्त्री मातृकाप्रसाद कोइरालाका छोरा हुन् ।
प्रत्येक वर्ष प्रदान गरिने उक्त पुरस्कारको छिटै एक कार्यक्रमको आयोजना गरी पुरस्कार बितरण गरिने एमाले प्रचार बिभागका सचिव बिष्णु रिजालले बताए ।
Comments
Post a Comment